Primer día de mes y postrer del dispositivu especial torna de la DXT nel que s'esperen en total 97.000 desplazamientos n'Asturies. Son más de 4.700.000 en toa España. Y güei con especial atención a la costa, sobre manera nes hores onde se prevé mayor intensidá na circulación de 15:00 a 22:00.
Pela so parte Renfe aumentó cerca de 20.000 places n'Alta Velocidá y Llarga Distancia. Tamién se punxo en marcha'l serviciu Avlo 106 que circula ente Madrid, Galicia y Asturies con 581 places.
Trasiegu de viaxeros na vuelta o regresu a les sos cases, na estación Sur de Madrid y tamién na terminal asturiana. Güei Aena calcula qu'en toa España va haber cuasi 10.000 operaciones.
Ente los viaxeros, el sentimientu compartíu ye ente pena y sufrencia.
Setiembre, el meyor mes pa faer turismu ensin masificación
1 de setiembre. Pa munchos el mes de despidir el branu, l'adiós a les vacaciones y el regresu a la rutina. Pa otros, los que colen, el meyor pa faer turismu ensin masificación.
El mes nel que pa dalgunos tendría d'empezar l'añu y el que tien más cuesta que xineru. El del fin de les vacaciones y la despidida del morenu de playa.
Pero setiembre ta fartu de ser el murniu y recuerda que pa otros ye'l meyor mes del calendariu porque, a la fin, lo importante ye celebrar que siguimos equí y pensemos que yá queda menos pa les vacaciones de Navidá.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL